Утрово, до 7:00 часот, на територијата на целата држава биле регистрирани 16 пожари на отворен простор, од кои еден сè уште е активен.
Активниот пожар се наоѓа на територијата на Општина Македонски Брод, на повеќенаменското подрачје Јасен, каде е зафатена мешана шума.
Изгаснати пожари и контрола на жаришта
Според Центарот за управување со кризи (ЦУК), пожарот во Општина Кичево, помеѓу селата Челопеци и Миокази, каде гореше мешана шума, е ставен под контрола.
Изгаснати се вкупно 14 пожари во следните општини:
Куманово (два пожари)
Босилово
Врапчиште
Тетово
Кочани
Ресен
Ново Село
Крушево
Теарце
Прилеп
Во скопскиот регион, изгаснати се пожарите во Општина Сарај (кај селата Радуша и Свиларе и во село Шишево) и во село Арачиново, Општина Арачиново.