Управата за финансиска полиција утрово спроведува голема акција во општините Липково, Куманово и Желино. Претресите се поврзани со истрага за организирана криминална група, осомничена за злосторничко здружување, даночно затајување, измама и перење пари.
Според првичните сознанија, станува збор за компании што се занимаваат со трговија на нафтени деривати. Неофицијално, се проценува дека штетата од незаконските активности изнесува повеќе од 7 милиони евра.
Повеќе детали се очекуваат по завршувањето на акцијата.
