Полицијата во Дубаи ја спроведе акцијата „Розов дијамант“, со која беше спречена кражба и шверц на екстремно редок розов дијамант вреден 25 милиони долари. Во акцијата е уапсена банда која повеќе од една година ја планирала кражбата.
Криминалците најпрво го идентификувале сопственикот, златарник кој го увезол дијамантот од европска земја. За да го измамат, тие се претставувале како милијардери, изнајмувале луксузни автомобили и договарале состаноци во скапи хотели, со што го убедиле дилерот да го донесе дијамантот надвор од продавницата.
Откако дијамантот бил украден во хотел, полицијата веднаш формирала специјализирана работна група која ги лоцирала тројцата осомничени. Тие по грабежот се разделиле, но полициските тимови извршиле истовремени рации на сите локации.
Бандата е уапсена, а дијамантот е пронајден пред да може да биде изнесен од земјата. Жртвата на кражбата изјавила дека е изненадена од брзината на полициската акција и пронаоѓањето на дијамантот веќе следниот ден.
