Со двотретинско мнозинство, 133-те кардинали собрани во Систинската капела во Ватикан го избраа новиот папа, наследникот на папата Франциск.
Бел чад се издигна од оџакот над Систинската капела, означувајќи го изборот на новиот лидер на 1,4 милијарди католици ширум светот.
Роберт Превост (69) од САД, кој го избра името Лав XIV, наскоро ќе се појави на балконот на базиликата „Свети Петар“ за да ја прими благословот од верниците.
Според традицијата, високиот кардинал ѓакон Доминик Мамберти се појави на балконот на „Свети Петар“ и го објави историскиот момент со зборовите „Habemus Papam“ – „Имаме папа“.
Пред излегувањето на балконот, во изолираните сали на Ватикан, новоизбраниот папа го одбра своето папско име, кое традиционално навестува на идната насока на неговото водство.
