Поранешната шефица на германската дипломатија, Аналена Бербок, денеска официјално ја презеде функцијата претседател на Генералното собрание на Обединетите нации (ОН). Таа ќе раководи со 80-тата сесија на ГС на ОН во Њујорк.
Бербок беше избрана за оваа едногодишна позиција во јуни со огромно мнозинство, и покрај руската кампања против нејзината кандидатура. Оваа 44-годишна политичарка од Зелената партија е само петта жена што ја извршува оваа функција.
Нејзината улога е главно церемонијална и вклучува претседавање со седниците, помагање во одредувањето на дневниот ред и процедуралните правила за состаноците. Улогата на претседател на ГС на ОН не треба да се меша со улогата на генералниот секретар на ОН, Антонио Гутереш.
