Кандидатот за градоначалник на Охрид, Асен Шајн, му упати честитка на младиот охриѓанец Марко Пејчиновски, кој успешно го заврши својот модифициран Ајронмен триатлон.
Шајн во својата објава на социјалните мрежи изрази гордост за успехот на Пејчиновски и го пофали неговиот подвиг, истакнувајќи дека тој со својата енергија и упорност инспирира цели генерации.
Триатлонот на Пејчиновски вклучуваше:
- 7 часа и 47 минути трчање од Свети Наум до Струга.
- 2 часа и 33 минути возење велосипед од Струга до Свети Наум.
- 9 часа и 29 минути пливање од Свети Наум до Охрид.
Шајн му посака на Марко уште многу успеси и моменти за паметење, заклучувајќи со зборовите: „Нека твојата светлина и легенда траат уште долго! Нашата почит ја имаш засекогаш!“.
