Напаѓачот на Атлетико Мадрид, Хулијан Алварез, експлодираше со формата во последните две кола, постигнувајќи хет-трик против Рајо Ваљекано и два гола во убедливата победа над Реал Мадрид. Популарниот „Арања“ (Пајак) веќе има шест гола на седум натпревари во Ла Лига оваа сезона.
Тренерот на Атлетико, Диего Симеоне, не штедеше комплименти за Аргентинецот, кој минатото лето пристигна од Манчестер Сити во трансфер вреден до 95 милиони евра.
Поради одличните настапи, голем е интересот за Алварез, вклучувајќи го и оној на Барселона. Од Атлетико на конкурентите им порачаа дека Аргентинецот е недопирлив.
Иако Барселона покажува интерес, медиумите пренесуваат дека поранешниот напаѓач на Сити би можел да замине од Атлетико за не помалку од 200 милиони евра.
Сепак, официјалните бројки покажуваат дека Алварез има договор со Атлетико до јуни 2030 година, а клаузулата за откуп на неговиот договор изнесува неверојатни 500 милиони евра.
