Во дербито на второлигашкото коло, екипата на Беласица вечерва во Струмица оствари минимална победа над Детонит Плачковица со резултат 1:0. Единствениот гол на натпреварот беше постигнат во 36. минута од страна на Спиркоски, по брз контранапад на домашниот тим.
Со оваа победа, Беласица ја продолжи својата серија без пораз во Втората македонска фудбалска лига (ВМФЛ) и се наоѓа на делба на првото место на табелата со 10 бодови, колку што имаат и екипите на Кожуф, Шкендија Арачиново и Брегалница.
