Поради сомнителен куфер оставен на Плоштадот ВМРО во строгиот центар на Скопје, каде што се наоѓа седиштето на ВМРО-ДПМНЕ, денеска се евакуирани сите околни згради.
Вработените од Јавното претпријатие за државни патишта (ЈПДП), чија зграда е веднаш до „белата палата“ на ВМРО-ДПМНЕ, изјавија дека им било наредено веднаш да ја напуштат зградата поради закана за бомба.
Од Министерството за внатрешни работи (МВР) го потврдуваат инцидентот е пријавен денеска во 12:55 часот. Лице од обезбедувањето на ЈПДП пријавило дека на видео надзорот пред канцелариите на Плоштадот ВМРО биле забележани две лица како го разгледуваат местото, при што едно од лицата оставило куфер.
Полицијата презема мерки за проверка на содржината на куферот и обезбедување на локацијата.
