Кандидатот за градоначалник на Општина Чаир од Национална алијанса за интеграција (НАИ), Бујар Османи, објави дека негова главна цел е да го направи Чаир „европски Чаир“ преку искористување на европските фондови.
Османи истакна дека Европската Унија нуди милијарди евра за дигитално опремени училишта, паркови, чиста чаршија, култура, младински центри и енергетска ефикасност.
За да ги искористи овие средства, Османи најави три конкретни чекори:
- Итно отворање Канцеларија за ЕУ во Чаир.
- Формирање тим од експерти за ИПА фондови, кој, како што вели, веќе е формиран.
- Донесување 15 милиони евра неповратни средства во првиот мандат.
Тој заклучи дека Чаир ќе стане европски со помош на европски пари за граѓаните.
