Актуелниот шампион во Формула 1, Макс Верстапен од Ред Бул, беше најбрз во квалификациите за трката на Големата награда на Италија, обезбедувајќи ја пол-позицијата на легендарната патека во Монца. Холанѓанецот го оствари најдоброто време со 1:18.792.
Зад него, на втората и третата позиција, се пласираа двајцата возачи на Мекларен, Ландо Норис и Оскар Пјастри.
Четвртото и петтото место им припадна на домашните фаворити од Ферари, Шарл Леклер и Луис Хамилтон. Сепак, Хамилтон ќе стартува од десеттото место поради казна.
Поради казната на Хамилтон, третиот ред ќе го пополнат возачите на Мерцедес, Џорџ Расел и Андреа Кими Антонели. Зад нив се пласираа Габриел Бортолето (Кикс Заубер), Фернандо Алонсо (Астон Мартин) и Јуки Цунода (Ред Бул).
Трката за Големата награда на Италија ќе се вози в недела, со почеток во 15:00 часот.
