Во Белград денеска се одржа големата воена парада насловена „Силата на единството“, по повод Денот на српското единство, слобода и националното знаме. На парадата учествуваат 10.000 војници, а изложени се околу 2.500 парчиња оружје, повеќе од 600 возила, 70 авиони и 20 пловила.
Воената парада се одржува во близина на Палатата на Србија, а присутен е голем број граѓани, од кои многумина се организирано донесени со автобуси од различни градови. Во исто време, студенти одржуваат собир за поддршка на српските вооружени сили, но сè уште не е познато дали сите граѓани ќе можат да влезат на локацијата.
Според помошникот-министер за одбрана, Ненад Милорадовиќ, оваа парада е значително поголема од претходните.
На парадата беа прикажани:
- Ешалони од сите родови и служби на Српската армија.
- Возила, авиони и хеликоптери на Военото воздухопловство.
- Бродови од Речната флотила.
Еден од поатрактивните моменти ќе биде најдолгото српско знаме со должина од 300 метри, кое ќе го носат ученици од воените училишта.
