ВМРО-ДПМНЕ соопшти дека за само 14 месеци биле исплатени над 11 милијарди денари во вид на финансиска поддршка, субвенции и директни плаќања за земјоделците. Партијата нагласува дека ова претставува значителен напор во споредба со, како што велат, „заборавот“ на претходната влада.
„Она што беше заборавено од СДС изминатите 7 години, ВМРО-ДПМНЕ го направи за само една година“, се вели во соопштението.
Од партијата посочуваат конкретни примери за поддршката, кои вклучуваат:
- Рекорден откуп за сортите „смедеревка“ и „вранец“.
– Добиени 100 милиони денари субвенци за производителите на јаболка
- Субвенции од 500 денари за килограм тутун.
– Финансиска поддршка за здруженија за промоција на македонските производи на настани и саеми.
Како резултат на овие инвестиции, ВМРО-ДПМНЕ тврди дека е забележан значителен напредок во земјоделскиот сектор. Според нивните податоци, растот на извозот во првиот квартал од 2025 година, во споредба со истиот период во 2024 година, е зголемен за 5%. Уште поимпресивен е податокот за првите пет месеци од 2025 година, кога извозот бележи раст од над 50% во однос на истиот период од 2024 година, што претставува сума од околу 57 милиони евра.
ВМРО-ДПМНЕ исто така информира дека започнала со реализација на кампањата „Македонско Најдобро, Наша традиција, наша гордост“. Целта на оваа кампања е да се зголеми и зајакне домашното земјоделско производство, да се обезбеди просперитет на руралните средини и да се подигне свеста кај граѓаните за квалитетот, автентичноста и значењето на домашните производи. Преку кампањата се сака да се обезбеди полесен пристап до домашните земјоделски производи за сите граѓани.
