Денес, времето ќе биде сончево и топло со мала до умерена локална облачност. Ќе дува слаб до умерен ветер од јужен правец, кој повремено ќе се засилува долж Повардарието.
Минималната температура ќе се движи од 8 до 18°C.
Максималната температура ќе достигне од 29 до 35°C.
Во Скопје, се очекува сончево и топло време со минимална температура од 16°C и максимална до 34°C. Ќе дува слаб до умерен јужен ветер.
Промена на времето во наредните денови
Под влијание на влажна и нестабилна воздушна маса, од четврток до недела ќе преовладува променливо облачно и нестабилно време. Се очекува локален пороен дожд, грмежи и засилен ветер. Дневните температури ќе бидат во опаѓање.
