По собирите што се одржаа низ Србија како одговор на блокадите на патиштата, српскиот претседател Александар Вучиќ изјави дека најголема вредност на земјата е нејзиниот народ и затоа е неопходен дијалог.
На својот профил на социјалните мрежи, Вучиќ напиша: „Најголемата вредност на Србија е нејзиниот народ. И затоа мора да разговараме, да водиме дијалог. Обединети, можеме сѐ“, споделувајќи видео од собирите.
Собирите се одржаа синоќа низ целата земја, а главната порака беше дека блокадите го нарушуваат секојдневниот живот на граѓаните, кои бараат нормално функционирање.
