Кандидатот за градоначалник на Општина Центар од СДСМ, Горан Герасимовски, најави воведување на специјална „Центарска картичка“ која на граѓаните од општината ќе им овозможи низа поволности, попусти и придобивки.
Оваа картичка, според најавата на Герасимовски, ќе има повеќекратна функција.
„Воведуваме ‘Центарска картичка’ за повеќе поволности, попусти и придобивки за сите Центарци,“ објави тој.
Герасимовски потенцираше дека картичката ќе може да се користи за:
Посета на спортски натпревари.
Присуство на културни настани.
Попусти во продавници и локали ширум општината.
„Оваа картичка ќе може да се користи за посета на спортски натпревари, културни настани, како и попусти во продавници и локали. За Центар што го сакаме!“, заклучи Герасимовски.
