Кандидатот за градоначалник на Општина Кисела Вода од СДСМ, Горан Трајковски, го честиташе 11 Октомври – Денот на народното востание, истакнувајќи дека денешната борба е за правда и просперитетна општина, градена врз темелите на антифашистичката борба.
Трајковски, заедно со партиски соработници, положи свежо цвеќе на споменикот на Цветан Димов, оддавајќи почит на сите кои ги вградија своите животи за слобода и независност.
„Нивната храброст не е само историја, туку аманет. Аманет да продолжиме да се бориме – денес за подобар живот, за правда, за просперитетна општина и држава, каде секој граѓанин ќе ја чувствува слободата,“ порача Трајковски.
Тој нагласи дека 11 Октомври е темелот на македонската државност и дека должност на новата генерација е да ја гради иднината што ја сонувале борците.
„Со заеднички сили, да ја направиме нашата општина место за кое ќе бидат горди. Време е за востание на разумот!“, заклучи кандидатот за градоначалник.
