Кандидатот за градоначалник на Општина Кисела Вода од СДСМ, Горан Трајковски, ја истакна населбата „11 Октомври – Бараки“ како клучен фокус во неговиот план за промени, ветувајќи трајни решенија за запоставеноста на населбата.
„Доста е од запоставеност и стари мрежи. Време е за трајни решенија!“, порача Трајковски.
Неговиот план за населбата „11 Октомври – Бараки“ вклучува:
- Целосна реконструкција на сите улици.
- Замена на застарената водоводна мрежа и приклучување на централно градско греење.
- Континуирано чистење и собирање отпад и одржување на јавните површини и постојните паркови.
- Поставување мерна станица за квалитет на воздухот.
- Реновирање на постојните спортски игралишта и поставување нова урбана опрема.
Трајковски ги повика граѓаните на 19-ти Октомври да гласаат за бројот 5, под мотото: „СЕ БОРИМЕ ЗА НАШИОТ ДОМ!“
