До нашата редакција пристигна текст во која се поставуваат сериозни прашања околу водењето на фудбалскиот клуб Вардар.
Во дојавата се наведува дека токму двоецот Иди и Миленко се најодговорни за состојбите во клубот. Се прашува: дали е точно дека под нивно водство се трошат државни пари, а притоа постојат долгови кон играчи, плати и премии во висина од околу 180.000 евра?
Исто така, во анонимната порака се истакнува сомнеж: дали Иди и Миленко носат играчи со непроверен квалитет, кои не играле професионален фудбал по две-три години, но сепак се ангажираат во тимот?
Дополнително, дојавата отвора прашање за можни злоупотреби: дали двоецот дели проценти од трансфери на играчи, подготовки, хотели и други активности поврзани со клубот?
Конечно, се поставува клучната дилема: дали Иди и Миленко навистина имаат вистински интерес за иднината на Вардар, или главната цел е готовина и лична корист?
Иако станува збор за анонимна и непотврдена информација, прашањата кои се поставуваат отвораат простор за јавен интерес и потенцијално понатамошно истражување.
