Кандидатот за градоначалник на Општина Струмица од СДСМ, Марјан Даскаловски, по денешната средба со претставници на локалната бизнис заедница, најави дека негов приоритет ќе биде зајакнување на поддршката за малите и средни претпријатија, кои ги нарече „двигател на локалната економија“.
Даскаловски истакна дека целта на локалната самоуправа ќе биде да создаде услови за побрз развој на компаниите во градот.
„Малите и средни претпријатија се двигател на локалната економија, тие отвораат работни места, создаваат додадена вредност и ја одржуваат динамиката на нашиот град,“ рече Даскаловски.
Тој најави конкретни мерки за поддршка:
Олеснување на административните процедури.
Стимулирање на нови инвестиции.
Создавање услови за побрз развој на бизнисите.
Регионално поврзување за нови пазари
Особено значајно место во програмата на Даскаловски зазема регионалното поврзување.
„Преку организирани настани и соработки со соседните градови од Бугарија и Грција, ќе отвориме нови можности за нашите компании да се поврзат со странски партнери и пазари,“ потенцира кандидатот на СДСМ.
Тој заклучи дека верува оти само со заедничка работа – локалната власт, стопанствениците и граѓаните – може да се изгради економски посилна, поотворена и поконкурентна Струмица.
