Два македонски филма, „Мајка“ и „Диџеј Ахмет“, ќе бидат прикажани на Лондонскиот филмски фестивал во октомври.
„Мајка“, првиот филм на режисерката Теона Стругар Митевска на англиски јазик, ќе има две проекции на 14 и 16 октомври во рамките на темата „Дебати“. Филмот, кој ја отвори програмата „Хоризонти“ на 82-то издание на Венецискиот филмски фестивал, е инспириран од животот на Мајка Тереза и нејзината внатрешна борба. Главните улоги ги играат шведската актерка Номи Рапас, Никола Ристановски и Силвија Хокс.
„Диџеј Ахмет“ продолжува да освојува награди
Дебитантскиот филм на режисерот Георги Унковски, „Диџеј Ахмет“, ќе биде прикажан на 9 и 11 октомври во рамките на темата „Создавај“. Филмот досега има освоено 10 награди, меѓу кои и две на светската премиера на фестивалот Санденс. Главните улоги ги толкуваат Ариф Јакуп, Дора Акан, Наим Агушев и Аксел Мехмед.
