Во согласност со законските прописи и по добиен демант од Бобан Карапејовски, јавно се извинуваме за објавената невистинита информација која се однесува на неговата личност.
Тврдењето дека „Бобан Карапејовски цицал пари од фондацијата Блаже Конески“ е неточно.
Демантот од Бобан Карапејовски го пренесуваме во целост:
Почитувани,
На вашата веб-страница сте објавиле дека сум „цицал пари од фондацијата Блаже Конески“.
Сакам да ве информирам дека таква фондација не постои, па соодветно на тоа и никој не можел ни да земе, а камоли да „цица“ пари.
Ве замолувам во најкраток можен рок (соодветно на законските прописи, во следните 24 часа), да објавите извинување и демант на објавените гнасни инсинуации. Во спротивно, ќе морам да ги преземам сите законски можности за заштита на честа и угледот, кои ги нарушувате на овој начин.
Поздрав,
Бобан Карапејовски
Извинување од Редакцијата:
Редакцијата се извинува на Бобан Карапејовски за ненамерното објавување на невистинита информација, базирана на неточен изворен текст. Го прифаќаме демантот и потврдуваме дека Фондација „Блаже Конески“ не постои, и соодветно на тоа, наведените наводи се неточни и го нарушуваат угледот и честа на г. Карапејовски. Информацијата е отстранета од претходно објавениот текст.
