Државната изборна комисија (ДИК) вечерва соопшти дека досега се потврдени вкупно 303 листи за градоначалници на општините и Градот Скопје, како и 558 листи за членови на советите на општините и Советот на Град Скопје.
Листи во фаза на отстранување на неправилности
Во општините Куманово, Аеродром, Карпош и Град Скопје, сѐ уште има листи кои се во фаза на отстранување на неправилности.
Вкупно осум листи за градоначалник се во процес на корекција.
Вкупно 20 листи за советници се во истата фаза.
ДИК информираше дека се отфрлени вкупно пет листи за градоначалник, по една за општините Бутел, Центар, Куманово, Аеродром и за Град Скопје.
Процесот на утврдување на редоследот на единствената листа на кандидати ќе се одржи на 25 септември 2025 година, кога ќе се изврши ждрепка.
