Американскиот претседател Доналд Трамп денеска го потпиша првиот мировен план за Појасот Газа на самитот во Египет, изразувајќи увереност дека договорот ќе донесе траен мир во регионот.
За време на церемонијата на потпишување, Трамп истакна дека ова е историски момент: „Поминаа 3.000 години за да се стигне до ова, можете ли да поверувате? И овојпат ќе опстане.“
По Трамп, документот го потпишаа и претседателот на Египет, Абдел Фатах ал-Сиси, и претседателот на Турција, Реџеп Таип Ердоган.
Американскиот претседател го оцени договорот како „неверојатен ден за светот“, додавајќи дека неговото значење е толку големо што ќе ја спречи Третата светска војна, која, според него, можела да избие на Блискиот Исток.
