Носителот на советничката листа на СДСМ во Прилеп, Драгица Николоска, апелираше за зголемување на финансиската поддршка од локалната самоуправа за Клубот на лекувани алкохоличари „Методија Николоски-Мец“, кој волонтерски се бори да опстане.
Клубот, формиран во 1978 година како прв од таков тип во државата, досега помогнал на 3.600 граѓани, од кои повеќето успеале да се оттргнат од алкохолизмот и да продолжат со нормален живот.
Николоска ја истакна загрижувачката статистика:
- Во Македонија има околу 83.000 регистрирани зависници од алкохол.
- Се забележува континуиран пораст на зависноста, особено кај младите.
„Во интерес на граѓаните кои го посетуваат клубот, финансиската поддршка на локалната самоуправа мора да биде поголема,“ порача Николоска.
