По повод почетокот на новата учебна година, првиот заменик-претседател на Владата и министер за животна средина, Изет Меџити, го посети Основното училиште „Конгреси и Манастирит“ во општина Чаир, каде што најави воведување на едносменска настава како прв чекор кон европско образование.
Меџити истакна дека ова не е само најава, туку конкретна реализација која покажува сериозна работа, план и одговорност.
Подобрувања за учениците, родителите и наставниците
Според Меџити, едносменската настава ќе донесе многу придобивки:
– За децата: Поквалитетна настава, повеќе интерактивни часови, спорт и култура, како и побезбеден амбиент.
– За родителите: Гарантирана грижа и безбедност, помалку стрес и полесно планирање на работниот ден.
- За наставниците: Обука за современи методи, користење на дигитални алатки и јасна организација на работниот ден.
Првиот вицепремиер најави дека пилот-моделот од ова училиште ќе се прошири според јасен календар, со цел во рок од четири години сите основни училишта во Чаир да функционираат со едносменска и целодневна настава.
