Поранешниот претседател на украинскиот парламент, Андриј Парубиј, кој беше истакната личност на проевропската револуција Мајдан во 2014 година, е убиен денеска во западна Украина.
Украинскиот претседател Володимир Зеленски изјави дека убиството било „внимателно испланирано“.
„За жал, злосторството беше внимателно испланирано“, рече Зеленски во својот дневен извештај до граѓаните. Тој додаде дека се преземаат сите мерки за да се реши злосторството и да се пронајде напаѓачот.
Околностите и причините за атентатот засега остануваат непознати.
