Според неименуван израелски воен претставник, кој зборуваше за новинската агенција Асошиејтед Прес (АП), започнала „главната фаза“ од операцијата во градот Газа. Израелските трупи се движат од периферијата кон центарот на градот, откако претходно биле извршени интензивни воздушни напади за подготовка на операцијата.
Воениот претставник проценил дека во градот има меѓу 2.000 и 3.000 милитанти на Хамас, кои се користат со мрежа од тунели. Се додава дека воените капацитети на Хамас се значително намалени во текот на двегодишната војна, поради што сега групата главно извршува герилски напади.
