Најтрофејниот македонски автомобилист, Игор Стефановски – Иџе, овој викенд во Хрватска ќе одбележи голем јубилеј – 200-та трка во својата кариера. Настанот ќе се одржи на патеката во Бузет, каде ќе се вози последната трка од ФИА Европскиот шампионат на ридски патеки (EHC) за 2025 година.
Иџе ќе настапи со својот Ферари 488 B8, а на трката се пријавени дури 241 возач.
Во моментов, Стефановски се наоѓа на втората позиција во генералниот пласман во групата 1 на шампионатот. Тој веќе е носител на европската титула во ова натпреварување.
„Очекувам добра трка. Посакувам да постигнеме одличен резултат и во овој шампионат“, изјави Стефановски.
Тој ја започна својата кариера во 2001 година, а во изминатите 199 трки има забележано 83 победи и 122 подиуми.
