Кандидатот за градоначалник на Општина Кисела Вода од СДСМ, Горан Трајковски, денеска јавно се осврна на проблемот со кучињата скитници, ветувајќи дека ќе понуди и спроведе трајно и системско решение.
Во својата објава, Трајковски истакна дека безбедноста на граѓаните му е приоритет. Тој посочи дека сегашната состојба е резултат на „повеќегодишна негрижа“ и лоша координација меѓу општинската и градската администрација.
Трајковски предложи решение преку партнерство со граѓанските здруженија кои се најкомпетентни за овој проблем. Според неговата идеја, Општината ќе обезбеди простор и средства за опремување и одржување на прифатилиште, додека граѓанските организации ќе бидат одговорни за управувањето со тој простор, како и за заловувањето и чувањето на кучињата.
