Заменик-претседателката на СДСМ, Фани Каранфилова Пановска, заедно со кандидатката за градоначалник Маја Хеско и носителот на советничката листа Јованче Манасков, на средба со граѓаните на Велес истакна дека во центарот на програмата на СДСМ се реалните потреби на луѓето и создавањето град со можности за сите.
„Во центарот на оваа програма сте вие, луѓето, граѓаните и реалните потреби со кои се соочувате. Нашата цел е да создадеме град кој нуди можности за сите – за младите, за жените, за пензионерите, достоинствен живот за граѓаните на Велес,“ рече Каранфиловa Пановска.
Приоритети: Млади, жени и социјална заштита
Во делот за младите, програмата на СДСМ предвидува:
Отворање младински иновациски лаборатории – простори за стартапи, ИТ-решенија и креативни проекти.
Програма за младинско вработување во партнерство со компании.
Бесплатни обуки за дигитални вештини, странски јазици и претприемништво.
Особен акцент е ставен на жените и економското јакнење преку фонд за женско претприемништво, поддршка на креативни индустрии и обуки за добро платени сектори.
Во делот на социјалните политики, СДСМ во Велес планира:
Субвенции за самохрани родители.
Бесплатен училиштен прибор и книги за деца од ранливи семејства.
Пристапност за лицата со попреченост и изградба на инклузивни детски игралишта.
Поддршка за пензионерите и модерен дом
Посебен дел од програмата е посветен на пензионерите, за кои се планира:
Пренамена на објектот „Вила Зора“ во современ Дом за стари лица.
Бесплатен јавен превоз за пензионерите и активности за трета доба.
Каранфиловa Пановска ги повика граѓаните својот глас на 19 октоврми да го дадат за бројот 5, за Маја Хеско за градоначалничка и советничката листа на СДСМ и Коалицијата, порачувајќи дека СДСМ се бори Велес да стане модерен, чист и зелен град, со силна економија што создава можности.
