Навивачката група „Комити Скопје“ најави дека на следниот натпревар на нивниот клуб ќе бидат поставени кутии за донации наменети за членовите на навивачките групи „Војводи Тетово“ и „Чкембари Битола“.
Во својата објава, „Комити“ апелираат до надлежните институции да не дозволат, како што велат, „медиумската хајка“ да влијае на судскиот процес, кој мора да биде правичен.
Тие сметаат дека причините за инцидентите се подлабоки од површното известување во медиумите, кои со години ги премолчуваат нападите врз Македонците во Тетово и националистичките испади во Битола за време на одбележувањето на Албанската азбука.
„Во тоа премолчување, заташкување, срамно поттикнување се крие револтот на народот и причината за ваквите постапки“, наведуваат од „Комити“.
Иако не бараат оправдување за постапките, од групата изразуваат надеж дека институциите ќе ја согледаат вистината. „И ние сме деца на Македонија“, се вели на крајот од објавата.
