Инспекциските служби на Агенцијата за храна и ветеринарство (АХВ) спровеле засилени контроли во кујните во градинките и училиштата на територијата на целата држава во септември годинава.
Севкупно биле спроведени 91 контрола во градинки и 23 вонредни надзори во училиштата. За утврдените недоследности, издадени се вкупно девет решенија со наредби за отстранување на недостатоците.
За време на инспекциите во градинките, АХВ констатирала повеќе неправилности:
Во две градинки, хигиената во кујните не била задоволителна.
Една градинка немала спроведено задолжителен здравствен преглед на вработениот персонал во кујната.
Изречени се парични казни за три градинки.
Поради несоодветно чување, уништени се 24 килограми храна.
Резултати од контролите во училиштата
Надзорите во училиштата ги покажале следниве наоди:
Незадоволителни услови се констатирани само во една училишна кујна.
Отстапки од добрата производствена и добра хигиенска пракса се утврдени во две кујни.
Поради погрешно декларирање, уништени се 59 килограми храна.
За утврдените недоследности, инспекторите изрекле една парична казна и донеле пет решенија со наредба за отстранување на недостатоците.
