Најдобриот стрелец во историјата на НБА-лигата, Леброн Џејмс, кој е единствениот кошаркар што постигнал 40.000 поени, ја разбранува јавноста со најава за голема одлука, за која веќе подолго време се шпекулира дека може да значи крај на неговата кариера.
Џејмс ја „разгоре“ фантазијата со објава на социјалните мрежи со наслов „The Decision“ (Одлуката). Ова е директна алузија на неговата славна одлука од 2010 година, кога на национална телевизија соопшти дека заминува од Кливленд Кавалирс и се префрла во Мајами Хит.
Сега останува да се види што ќе соопшти кошаркарската легенда. Многумина веруваат дека станува збор токму за ставање крај на неговата блескава кариера.
Големата одлука на Леброн Џејмс ќе биде објавена на 7 октомври во пладне по американско време, односно во 18 часот по македонско време.
