Партијата Левица вечерва во Велес ги претстави кандидатите за членови на советот на Општина Велес. Наместо класичен митинг, носителот на листата Димче Ацков, заедно со 22 кандидати и лидерот Димитар Апасиев, остварија непосредни средби со граѓаните во центарот на градот.
Носителот на листата, Димче Ацков, истакна дека советничката група на Левица ќе обезбеди континуитет, продолжувајќи таму каде што застанале нивните претходници, со цел да се реализираат нови иницијативи од интерес за граѓаните.
Лидерот на партијата, Димитар Апасиев, изрази оптимизам за претстојните избори, и покрај наводната цензура од власта преку забрана за рекламирање. Апасиев најави дека очекувањата се Левица да постигне историски резултат со над 70 илјади гласови.
