Партијата Левица денеска објави дека на претстојните локални избори ќе застане зад независниот кандидат за градоначалник на Битола, архитектот Зоран Николовски.
Во своето соопштение, партијата го нарече Николовски „најдобриот избор“ и „докажан професионалец“ кој може да се пофали со проекти во својот роден град.
Од Левица истакнуваат дека Битола е бастион на нивната партија и заслужува силен кандидат што ќе донесе свежи идеи и промени. Тие веруваат дека поддршката за Николовски ќе донесе „авангардна комбинација која ќе донесе нови решенија и развој за Битола“.
Партијата најавува дека платформата ќе биде составена од интелектуалци и професионалци кои ќе го стават своето знаење во служба на градот.
„Создаваме платформа на интелектуалци и професионалци кои ќе работат за една идеја – Битола. За една света идеја – Битола“, порачаа од Левица.
