Македонската тенисерка Лина Ѓорческа се пласира во четвртфиналето на W75 турнирот во Букурешт, откако денеска ја совлада италијанската тенисерка Ноеми Басилети со 2-1 во сетови (3-6, 6-3, 6-4). Мечот траеше 130 минути.
И покрај тоа што го загуби првиот сет, Ѓорческа покажа голема борбеност и успеа да се врати во игра. По водството на Басилети со 1-0 во сетови, македонската тенисерка направи серија од четири освоени гема за да го добие вториот сет.
Во решавачкиот, трет сет, Басилети поведе со 3-1, но Ѓорческа уште еднаш покажа ментална сила и со серија од три гема поведе со 4-3. На крајот, таа го доби сетот со 6-4, искористувајќи ја четвртата меч топка.
Во четвртфиналето, Ѓорческа ќе се соочи со Лаура Хиетаранта од Финска.
