По објавувањето на соопштението на коалицијата ВЛЕН, во кое се обвинува ДУИ за соработка со Левица во Струга, поранешниот министер за правда Кренар Лога на својот Фејсбук профил објави дека ВЛЕН „играат заедно“ со Левица.
Лога тврди дека коалицијата ВЛЕН, заедно со ВМРО-ДПМНЕ, се исто толку „антиалбански“ како и самата Левица.
Тој ја искоментира и изјавата на премиерот Христијан Мицкоски, кој претходно ги обвини Левица и ВЛЕН дека се обидуваат да ја спасат ДУИ, посочувајќи дека тие, всушност, соработуваат.
„Толку добро ја играат играта што веќе никој нема сомнеж: ако денес излезе некој од ВМРО со изјава, утре ќе излезат преведувачите – вчера Мицкоски, денес вредистите со обвинувања“, напиша Лога.
Лога во својата објава го нарече кандидатот на неговата коалиција за градоначалник на Струга, д-р Арсим, „најдобриот“, додека за ВЛЕН напиша дека „стравуваат да не се збунат на гласачкото ливче“.
