Ѕвездата на Ферари и најуспешниот возач во историјата на Формула 1, Луис Хамилтон, откри дека се ослободил од својата колекција автомобили вредна повеќе милиони евра и се свртел кон нова страст, уметноста.
На новинарите во Баку, во пресрет на Големата награда на Азербејџан, Хамилтон (40) потврди дека неговата гаража, која некогаш била полна со ретки модели на Ферари, Мерцедеси и Мекларени, сега е празна.
„Веќе немам автомобили. Се ослободив од сите мои автомобили, сега повеќе ме интересира уметноста. Ако требаше да купам автомобил, тоа би бил Ферари Ф40. Но, тоа е прекрасно уметничко дело“, изјави Хамилтон.
Како долгогодишен еколог и веган, Хамилтон почна да ја намалува својата колекција уште во 2019 година, кога го продаде својот приватен авион и се префрли на електрични возила. Во 2020 година, тој изјави дека го вози само својот електричен Mercedes EQC.
