Кандидатката за градоначалничка на Прилеп, Петра Лукароска, одржа средба со Борис Стојаноски, претседател на Здружението за глуви и наглуви 2018 Прилеп, и со членовите на здружението. Целта на средбата беше да се најдат решенија за подобра интеграција на овие лица во заедницата.
Лукароска истакна дека проблемите и потребите на глувите и наглуви лица се одамна познати, но дека малку е направено за нивно решавање. Таа нагласи дека секоја власт има и законска и морална обврска да им обезбеди достоинствени услови за живот на своите сограѓани.
„Бидејќи секој граѓанин е подеднакво важен!“, напиша Лукароска во својата објава, ветувајќи поддршка за оваа ранлива група.
