Македонската кошаркарска репрезентација денеска попладне го игра својот втор натпревар од претквалификациите за Светското првенство во 2027 година, соочувајќи се со Унгарија во Шолнок. По поразот од Романија на првиот меч, надежите се вперени кон искусниот натурализиран Американец Џејкоб Вајли, кој и покрај негативниот резултат, е оптимист за претстојните гостувања.
Вајли: „Не гледам причина зошто не би ги победиле“
Вајли, кој беше еден од најдобрите на теренот против Романија, верува дека Македонија има шанса да се врати со позитивен резултат од Шолнок.
„Ги гледавме Унгарците, имавме видео-анализа на нивната игра против Романија. Имаа добар почеток, но нивната игра забележа пад како што одминуваа минутите. Романците ги победија, па не гледам причина зошто не би го направиле тоа и ние овде во Шолнок“, изјави Вајли.
Фокус на намалување на грешките
За да се постигне победа, Вајли смета дека тимот мора да ја задржи истата енергија од претходниот натпревар, но со некои клучни подобрувања.
„Ќе се обидеме да го намалиме бројот на технички грешки и загубени топки. Добро да го градиме рекетот, бидејќи имаат предност во висина. Сето ова се работи преку кои овој тим треба да ’расте’ и да се гради“, нагласи Вајли.
Според него, репрезентацијата е на добар пат, а натпреварот со Унгарија е важна станица на тој пат. „Имаме свои шанси и сакаме да ги искористиме, и тоа ако може, веднаш, во овој меч со Унгарија“, заклучи тој. Унгарците, пак, ќе бидат мотивирани да ги поправат грешките од поразот кај Романците и да победат пред својата публика.
