Четирикратниот светски шампион, Макс Верстапен од Холандија, убедливо победи на трката за Големата награда на Италија на патеката во Монца. Возачот на Ред Бул водеше од почетокот до крајот, а ова е негова 66-та победа во кариерата и трета оваа сезона.
Подиумот го надополнија возачите на Мекларен, Ландо Норис и Оскар Пјастри. Норис заврши втор, додека неговиот тимски колега, Пјастри, ја премина целта како трет. Во текот на трката, тимот на Мекларен му нареди на Пјастри да му го отстапи местото на Норис, иако Пјастри беше во водство.
Трката беше одбележана и со контроверзен момент во дуелот помеѓу Норис и Пјастри, кој на кратко го престигна својот колега, но доби тимска наредба да му го врати местото.
Наредната трка во календарот на Формула 1 е градската трка низ улиците на Баку, за две недели.
