Министерството за внатрешни работи (МВР) денеска соопшти дека Одделот за внатрешна контрола констатирал непрофесионално и неетичко однесување на началникот на Одделението за внатрешни работи (ОВР) Демир Хисар, по извршените проверки во врска со објавеното видео од претрес во тој град.
Како резултат на направените констатации, против началникот е покрената дисциплинска постапка. Со цел да се обезбеди целосна непристрасност и објективност на истрагата, наведеното лице ќе биде разрешено од функцијата.
МВР нагласува дека го осудува секој облик на насилство, незаконско или непрофесионално постапување и истакнува дека улогата на полицијата е да ги спроведува законите и да им служи на граѓаните.
