Душан Влаховиќ најверојатно ќе го напушти Јувентус и ќе се пресели во Милан. Иако Јувентус првично ја одреди цената за српскиот напаѓач на 30 милиони евра, италијанските медиуми пренесуваат дека клубот ќе го пушти за значително помала сума.
Според информациите, Милан му понудил на Влаховиќ плата од 6 до 7 милиони евра, додека Јувентус ќе добие 15 милиони евра и играчот Алексис Салемакерс. Ова е значително пониска цена во однос на 81,6 милиони евра што Јувентус ги плати на Фиорентина во 2022 година.
Со евентуалниот трансфер, Влаховиќ повторно би се сретнал со својот поранешен тренер, Масимилијано Алегри, кој сега го води тимот на Милан.
