По три дена чадење од депонијата „Дрисла“, министерот за здравство Азир Алиу јавно се обрати до граѓаните на Скопје, тврдејќи дека воздухот не е опасно загаден, иако мирисот е непријатен.
„Ние заедно со Институтот за јавно здравје прво анализиравме дали постои некој тип загадување на ниво на штета по здравјето на граѓаните. Ве уверувам дека мирисот се чувствува и не е пријатен, но воздухот во моментот не е на ниво на загаденост кое предизвикува здравствени проблеми кај граѓаните“, изјави министерот Алиу.
Сепак, тој им препорача на граѓаните да избегнуваат движење надвор доколку тоа не е неопходно.
Министерот најави дека во наредниот период ќе биде формирана работна група која „ќе може да придонесе за промените во здравјето на граѓаните предизвикани од воздухот“.
