Во Министерството за здравство денеска се одржа првата конститутивна седница на новоформираниот Здравствен совет, советодавно тело на министерот за здравство. На седницата присуствуваше и министерот Азир Алиу.
Советот е составен од девет еминентни професори, доктори на науки и меѓународно признаени експерти од различни специјалности.
Целта на Здравствениот совет е да дава стручен придонес при подготовката на закони и други акти, како и стручни мислења и предлози во различни области од здравството. Министерот Алиу изрази уверување дека ќе имаат успешна и плодна соработка.
За претседател на Здравствениот совет е избрана проф. д-р Марија Срцева. Остатокот од членовите се: проф. д-р Сашко Кедев, проф. д-р Азис Положани, проф. д-р Виктор Камнар, проф. д-р Светозар Антовиќ, проф. д-р Игор Кафтанџиев, прим. ас. д-р спец. Фадил Цана, спец. д-р Злате Мехмедовиќ и доц. д-р Илир Вела.
