По повод 8 Септември – Денот на независноста, заменик-министерот за енергетика и кандидат за градоначалник на Општина Центар од ЗНАМ со поддршка на ВМРО-ДПМНЕ, Мирослав Лабудовиќ, упати честитка на својот Фејсбук профил.
Во својата објава, Лабудовиќ нагласи дека вистинскиот патриотизам се покажува со градење на подобра и попросперитетна држава.
„Само ако изградиме подобра, почиста, попросперитетна, поправедна држава за нас и нашите деца, по 5 или 10 години отсега ќе имаме право да кажеме дека навистина ја сакаме Македонија. Сè останато се празни фрази за еднократна употреба“, напиша Лабудовиќ.
Тој додаде дека верува оти подобар живот започнува од секоја улица и секое маало, и дека граѓаните можат да постигнат повеќе со одговорно и паметно работење.
