Фудбалерите на Наполи ја остварија својата петта победа во Серија А оваа сезона, откако по пресврт славеа над Џенова со резултат 2:1 во натпревар од 6. коло. Со оваа победа, Наполи се изедначи со Рома на челната позиција, при што двата тима имаат по 15 поени.
Џенова прва поведе во 33. минута со спектакуларниот гол со петица на Екатор.
Во второто полувреме, „Наполитанците“ успеаја да направат комплетен пресврт и да дојдат до победата. Најпрво, Самбо Ангиса изедначи во 57. минута, со што ја врати надежта на Наполи за продолжување на трката за врвот.
Голот за победа го постигна Расмус Хојлунд во 75. минута. Данецот, кој дојде на позајмица од Манчестер Јунајтед, игра во одлична форма – во средата, тој постигна два гола и му ја обезбеди победата на Наполи над Спортинг во Лигата на шампионите.
