Македонскиот продуцент и диџеј, Галоски, најави дека неговиот нов сингл „Move“ добива силна поддршка од најголемите имиња во електронската музика.
Премиерно прикажан на Tomorrowland
Песната премиерно беше пуштена од легендарното трио Swedish House Mafia (Axwell, Sebastian Ingrosso и Steve Angello) на еден од најголемите светски фестивали, Tomorrowland. Само една недела подоцна, „Move“ доби поддршка и од Steve Angello и Solomun.
Овој викенд, синглот ексклузивно ќе биде претставен во радио емисијата на Tiësto, а следната недела и во емисијата на Armin van Buuren.
Песната официјално излегува на 22 август, под издавачката куќа Superhuman на Swedish House Mafia.
