Основното јавно обвинителство Скопје поведе постапка против едно лице, осомничено за кривично дело „тешка телесна повреда“, откако со пластична гајба полна со стаклени шишиња нападнал жена, со која имал претходни недоразбирања.
Инцидентот се случил на 23 август пред угостителски објект во населбата Автокоманда. Според информациите, осомничениот најпрво ја навредувал жртвата, а потоа ја удрил со гајбата по глава.
Жената почнала обилно да крвари и итно била пренесена во болница, каде ѝ биле констатирани тешки телесни повреди.
Обвинителството побарало од судот да му бидат одредени мерки на претпазливост на осомничениот, вклучувајќи:
- Забрана за приближување и воспоставување контакт со оштетената.
- Привремено одземање на патна исправа.
- Обврска за повремено јавување на службено лице.
Овие мерки се предложени со цел да се заштити жртвата од можно ново загрозување на нејзината безбедност и живот.
